Qazirgi tańda «Jolaýshylar tasymaly» AQ bılet kassalaryna 3,6 mlrd teńgege jol júrý qujattary tapsyryldy. 12-26 naýryz aralyǵynda Qazaqstandyqtar 578 myń temirjol bıletin qaıtaryp aldy dep habarlaıdy IIDM baspasóz qyzmeti.
Vokzaldarda paıdalanylmaǵan bıletterdi qaıtarý týraly habarlandyrý kórsetiledi. Sondaı-aq temir jol qyzmetkerleri jolaýshylarǵa bılet kassalarynyń janynda bir-birinen keminde eki metr qashyqtyqty saqtaý qajettiligi týraly áńgime ótkizedi.
Jolaýshylar poıyzdarynda jolserikter mindetti túrde jolaýshylardyń densaýlyq jaǵdaıyn naqtylaıdy, qatań keste boıynsha vagondarda jınaý júrgiziledi jáne dezınfıkasııa erejeleri saqtalady.