Aqparat jáne qoǵamdyq damý mınıstri Dáýren Abaev tótenshe jaǵdaı rejımi kezinde kóshede júrý talaptaryn atady.
«Qoǵamdyq kólikterde, taksıde, sondaı-aq jetkizý qyzmetterinde sanıtarlyq talaptardy qatań saqtaý úshin sırkýlıar jasalady. Keshe aıtylǵandaı búgin túngi 00:00-den bastap úıden shyǵýǵa tyıym salynady. Úıden tek azyq-túlik, dári alýǵa nemese jumysqa barý úshin shyǵýǵa bolady. Sonymen birge 30 naýryzdan bastap mekemelerdiń basym kópshiligi jumysyn toqtatady», dedi Dáýren Abaev.
Sondaı-aq ol polısııa qyzmetkerleri azamattardyń nelikten kóshege shyqqanyn suraýy múmkin ekenin aıtty.
«Kóshede polısııa qyzmetkerleri toqtatyp, qaıda bara jatqanyńyzdy surasa túsinistik tanytyp, jaýap berý kerek. Jumysqa shaqyrǵandy rastaý úshin sizde tikeleı basshynyń nemese kadr bólimi qyzmetkerleriniń telefon nómirleri bolǵan jón. Azyq-túlik dúkenderi men dárihanalar ádette turǵyn úılerge jaqyn ornalasady. Sondyqtan polısııa qyzmetkerleri azamattardyń qajetti zatyn satyp alyp, úıge qaıtqanyn baqylaýy múmkin. Oǵan da túsinistik tanytý kerek», dedi ol.