Qyzylorda oblysy polısııa departamentiniń bastyǵy, polısııa polkovnıgi Bektóre Sultan turǵyndarǵa onlaın rejımde esep berdi. Bul týraly departamenttiń baspasóz qyzmeti habarlady.
Bektóre Jeńisbaıuly tikeleı efırde turǵyndar suraqtaryna jaýap berip, pikir almasty. Qylmystyq ahýal men qylmystyq quqyq buzýshylyqtyń aldyn alý baǵytyndaǵy atqarylǵan jumys týraly aıtyp ótti.
Polısııa basshysy qazirgi jaǵdaıǵa baılanysty, turǵyndardan saqtyq sharalaryn ustanyp, halyq kóp jınalatyn oryndarǵa barmaý qajettigin basa aıtty. Osy kúni departamenttiń jeke quramy erekshe rejımde qyzmet atqaryp, tótenshe jaǵdaı talaptarynyń saqtalýyn qatań qadaǵalaýda.
Sonymen qatar, ol polısııa jumysyn jańa satyǵa kóterý, azamattardyń quqyǵyn qorǵaıtyn tártip saqshysynyń ımıdjin qalyptastyrý, sala jumysyna sandyq tehnologııalardy engizý jumystary jóninde aıtyp ótti.
Tikeleı efırde turǵyndardan 100-ge jýyq aryz ben usynys tústi.