Memleket basshysy dúıim jurtty dúrliktirgen COVID-19 vırýsyna baılanysty elimizde tótenshe jaǵdaı jarııalady. Karantın engizip, «Oıyn-saýyq, sporttyq jáne basqa da buqaralyq is-sharalardy, sondaı-aq, otbasylyq, salt-dástúr is-sharalaryn ótkizýge tyıym salynsyn» degen Qaýly shyǵardy. Alaıda keıbir toıshyl qaýym osy kezeńderde toıdy qalaı ótkizemiz dep «bas aýyrtyp» júrmegen sekildi.
Ras-ótirigin kim bilsin, áıteýir, áleýmettik jelilerde taraǵan foto-vıdeolarǵa qarap otyrsaq, keıbireýlerdiń Marat Omarovtyń «Koronavırýs, ket, ket, ket...» degen ánin shyrqap qoıyp, qannen-qapersiz dýmandatyp júrgenderin kórip júrmiz.
Demek, áleýmettik jelilerge júktelgen foto-vıdeolar elimizde tótenshe jaǵdaı rejımin buzyp, toı ótkizip júrgenderdiń joq emes ekenin aıǵaqtaıtyndaı.
Endeshe, quzyrly organdar qaýipsizdik sharalaryna qyryn qarap, toı-dýman ótkizip júrgenderdi jazalaǵandary durys.