Búgin elimizde koronavırýs juqtyrǵandardyń qataryna Qyzylorda oblysynan bir turǵyn qosylǵany belgili boldy.
Mamandardyń aıtýynsha indet juqtyrǵan 55 jastaǵy áıel Qyzylorda qalasynda turady. Osy jylǵy 1 naýryzda Ońtústik Koreıadan kelgen. Talapqa sáıkes 14 kún baqylaýǵa alynyp, boıynan dert belgisi baıqalmaǵan soń úıine jiberilgen.
Qazir keshe túnde aıaq astynan ystyǵy kóterilip, dárigerler kómegine júgingen naýqaspen qarym-qatynasta bolǵandar anyqtalyp jatyr. Máseleniń jaı-japsary sálden soń ótetin brıfıngte tolyǵyraq aıtylady.