Juqpaly indet belgisi tabylǵan jetisýlyqtardyń sany tórt adamǵa jetti. Buǵan deıin vırýs Qarasaı aýdany aýmaǵynan anyqtalǵan bolatyn. Búgin taǵy 3 naýqastan koronavırýs tabyldy. Olar Ile aýdany, Jambyl aýdany jáne Qarasaı aýdanyń turǵyndary eken. Qazir indet juqtyrǵandar Qaskeleńdegi juqpaly aýrýlar aýrýhanasynda oqshaýlanǵan.
- Oblysta koronavırýs ınfeksııasyn juqtyrǵan taǵy 3 jaǵdaı anyqtaldy. Indet oshaǵy oblystyń eki aýdanynda jańadan tirkeldi. Birinshisi, 1957 jyly týǵan əıel Ile aýdanynyndaǵy provızorlyq gospıtalda karantınde jatqan bolatyn. Ol koronavırýspen aýyrǵan adammen baılanysta bolǵan. Əıel adamnan analızder alyndy. Taldaý qorytyndysy boıynsha ol Qarasaı aýdandyq ınfeksııalyq aýrýhanasyna aýystyryldy. Ekinshi jaǵdaı - Jambyl aýdanynyń turǵyny, 1997 jyly týǵan qyz bala 20 naýryzda Ońtústik Koreıadan, Ie Choý-Almaty áýe baǵyty boıynsha OZ 577 reısimen ushyp kelgen. Al úshinshisi - 1995 jyly týǵan Qarasaı aýdanynyń turǵyny. Vırýs anyqtalǵan azamatsha júktiliktiń 21-22 aptasynda. Syrqattardyń barlyǵy Qarasaı aýdandyq ınfeksııalyq aýrýhanasynda em alýda, - dedi oqıǵa oraı málimdeme jasaǵan Almaty oblysynyń ákiminiń baspasóz qyzmeti.
Al oblys əkimi Amandyq Batalov indet anyqtalǵan aýdandardyń əkimderine dezınfeksııalaý sharalaryn kúsheıtýdi tapsyrdy.
Almaty oblysy