Erejesiz jekpe-jekten 1 mamyrda Sıngapýrde ótýge tıis One FC týrnırinde qazaq sportshysy Qaırat Ahmetovtiń kimmen kúsh synasatyny belgili boldy.
Kezinde grek-rım kúresinde birshama tabystarǵa qol jetkizip, keıinnen erejesiz jekpe-jekti serik etken Qaırattyń júrip ótken joly jankúıerlerdiń kóz aldynda. Sporttyń bul túrindegi mansabyn «Alash Praıd» klýbynda bastaǵan ol biraz belesterdi baǵyndyrdy. Elimizde jáne shetelde ótken kóptegen jarysta jasyndaı jarqyrady. Ár jeńisinen keıin «Qara jorǵa» bılep, kórermenderdiń kózaıymyna aınaldy. Osydan birer jyl buryn qandasymyzdyń One FC uıymynyń chempıondyq belbeýin oljalaǵany da esimizde. Jalpy Ahmetov kásipqoılar arasynda 21 kezdesý ótkizip, 19 qarsylasyn qapy qaldyrdy.
Qaırat Ahmetov Sıngapýrdegi týrnırde japonııalyq Daıchı Tenakamen úsh synasady. Kúnshyǵys eliniń ókili osy kúnge deıin 15 kezdesý ótkizip, 12 ret jeńiske jetti. Eki ret utylyp, taǵy bir básekede teń esep tirkeldi.