26 naýryzda shamamen saǵat 18:15-de Shymkent qalalyq Polısııa departamenti Eńbekshi aýdandyq Polısııa Basqarmasynyń qyzmetkerleri tótenshe jaǵdaı jarııalanýyna baılanysty engizilgen negizgi talaptardyń jáne qoıylǵan shekteýlerdiń oryndalýyn baqylaýdy júrgizý barysynda alystan kele jatqan poıyzdyń astyna, temir jol relsine jatpaqshy bolǵan 17 jasar jasóspirimdi baıqady.
Polısııa qyzmetkerleri Dáýren Maırıhov, Birjan Saǵynbaev, Dáýlet Abýbakırov jáne Temir Jánibek bir sátte oılanbastan batyldyq tanytyp, jedel is-áreketteriniń nátıjesinde jasóspirim qyzdy ajaldan aman alyp qaldy.
Qutqarylǵan jasóspirim qyzdyń ata-anasy jáne jergilikti turǵyndar kózderine jas alyp, polısııa qyzmetkerlerine alǵystaryn bildirdi. Polısııa qyzmetkerleri atalǵan jasóspirimdi Polısııa basqarmasyna jetkizip profılaktıkalyq suhbat júrgizdi.
Nátıjesinde jasóspirim óz qateligin túsindi. Atalǵan oqıǵa temir jolda oryn alǵandyqtan suhbat júrgizilip bolǵan soń jasóspirimdi jelilik polısııa basqarmasynyń qyzmetkerlerine tapsyrdy.
Shymkent