WhatsApp messendjeri arqyly Arqalyqta koronavırýs juqtyrǵan bir adam shyǵypty-mys, - degen aqparat tarady. Vatsap-habarlamada vırýs juqtyrǵan áıeldiń qala bazarynda jumys isteıtini, saýdager taıaýda ǵana Bishkekke taýarǵa baryp kelgeni aıtylǵan. Qostanaı oblysynyń polısııa departamenti habar taratqan áıeldi izdestirip jatqanyn habarlady.
Taýarlar jáne kórsetiletin qyzmetterdiń sapasy men qaýipsizdigin baqylaý departamenti bergen málimet boıynsha, Arqalyqta koronavırýs juqtyrǵandar joq. Keshe Arqalyq pen Jitiqarada eki adam gospıtalǵa jatqyzylǵan. Onyń bireýi - er adam, ekinshisi – áıel. Olardyń Aqmola oblysynda koronavırýstan qaza tapqan áıelmen bir poıyzda otyrǵany anyqtalǵan. Ekeýinen qan alynyp, taldaý qorytyndysy teris nátıje kórsetken. Ekeýi de karantın aıaqtalǵansha dárigerlerdiń baqylaýynda bolady.
Qostanaı oblysy