Pavlodar oblysynyń taýarlar men qyzmetterdiń sapasy men qaýipsizdigin baqylaý departamenti koronavırýstyq ınfeksııa aýrýshańdyǵy jaǵdaıyn tirkeý faktisi týraly málimdedi.
Qazirgi ýaqytta pasıenttiń shaǵymy joq, ol juqpaly aýrýlar aýrýhanasynda jatyr. Onymen qarym-qatynasta bolǵan adamdardyń sheńberi anyqtaldy, barlyǵy aýrýhanaǵa jatqyzyldy. Barlyǵynan vırýsologııalyq zertteýler júrgizýge materıal alyndy. Barlyq jaqyn baılanystar sany - 28, onyń ishinde otbasy - 10, basqalary - 8 adam. Qajetti epıdemııaǵa qarsy is-sharalar júrgizildi.
Eske sala keteıik, 27 naýryzda oblysta buryn Nur-Sultan qalasynda dıagnozy rastalǵan naýqastarmen baılanysta bolǵan 1988 jyly týǵan óńir turǵynynda koronavırýstyq ınfeksııa rastaldy.