Bul týraly Mańǵystaý oblystyq aqparattyq qyzmet habarlady.
Mańǵystaý oblysynda koronavırýs ınfeksııasyn taratpaý maqsatynda oblystyń bas memlekettik sanıtarlyq dárigeri Sydymanovtyń qaýlysymen aımaqta mynadaı shekteý sharalary engizildi:
Halyqtyń qozǵalysyna, sonymen, qatar qoǵamdyq kóliktiń qozǵalysyna 2020 jyldyń 30 naýryzynan 19.00 den 08.00 saǵatqa deıin epıdemııaǵa qarsy rejım boıynsha shekteý qoıyldy.
Turǵyndardyń óz pátelerinen shyǵýyna shekteý qoıylady ( tek erekshe qajettilik bolǵanda ǵana -dúkenge, dárihanaǵa, qoqys tógýge jáne jumysqa barýǵa ruqsat etiledi).
Kórshilerdiń, týystardyń, áriptester jáne t.b bir-birine barýyna shekteý qoıyldy.
Azamattardyń qoǵamdyq oryndarǵa: saıabaqtar, alańdar, balalar jáne sport alańqaılary jáne t.b. barýyna shekteý qoıylsyn. Áýe jáne temir jol, avtovokzaldarǵa shyǵaryp salýshylar men kútip alýshylardyń kirýine shekteý qoıyldy.
Mańǵystaý oblysy