Túrkııanyń Densaýlyq saqtaý mınıstri Fahrettın Kodja elde vırýs juqtyrǵandar sany 7402-ge jetip, 108 adamnyń qaıtys bolǵanyn málimdedi.
Mınıstrdiń sózinshe, Túrkııadaǵy vırýs juqtyrǵandar sany 7 402-ge jetse, indetten kóz jumǵandar 108 bolǵan. Sonymen qatar mınıstr búgin, ıaǵnı 28 naýryzda 16 kisiniń vırýstan qaıtys bolǵanyn da málimdedi.
Túrkııada koronavırýs juqtyrǵan alǵashqy naýqas 11 naýryzda tirkelgen bolatyn. Búginge deıin 55 464 adamdy testten ótkizgen. Vırýs anyqtalǵan 7 402 naýqastyń 445-i reanımasııada, 309 adamǵa ıntýbasııa jasalǵan. Sonymen birge 70 kisiniń vırýstan aıyqqany belgili bolyp otyr.