«Atameken» UKP «Memlekettik satyp alýlar jáne kvazımemlekettik kompanııalardyń satyp alýlary arqyly otandyq óndirýshilerdi qoldaý maqsatynda 12000-nan astam taýardyń, sondaı-aq otandyq óndirýshilerdiń tizimin ázirlegen.
Búginde palataǵa azyq-túlik taýarlarynyń «jasyl dáliz» arqyly ótýine qatysty 700-den astam qońyraý túsken. Jedel shtabtyń quramyna kiretin palata qyzmetkerleri kúndelikti senim telefonyna qońyraý shalǵandarǵa keńes berip, qajet bolǵan jaǵdaıda qala mańyndaǵy beketterden kólikterdiń kedergisiz ótý máselesin baqylaýda ustap otyr.
Búginde áleýmettik mańyzy bar ónimderdiń baǵasynyń turaqtylyǵy da jumys tobynyń baqylaýynda. Almaty qalasy Kásipkerler palatasynyń málimetteri boıynsha, búginde Almaty bazarlarynda birqatar azyq-túlik ónimderiniń baǵasy 5-7 paıyzǵa óskendigi baıqalady: mysaly, sábiz – 10%, qaraqumyq – 13%, kúrish – 14%, qant – 12%, kartop – 10% jáne un 5%-dy quraǵan. Salystyrmaly túrde alǵanda basqa taýarlardyń baǵasy turaqty.
ALMATY