worldometers.info saıtynyń málimetteri boıynsha, 29 naýryzda álemde Covid-19 ınfeksııasyn juqtyrýdyń 663 myń jaǵdaıy tirkeldi. Onyń 142 myńy saýyǵyp, 30 myńnan astamy kóz jumdy.
Koronavırýs AQSh-ta óte joǵary jyldamdyqpen taralýda: ótken táýlik ishinde resmı túrde 19,5 myń jańa juqtyrý oqıǵasy anyqtaldy. Mundaı qarqynmen aýrý álemniń eshbir elinde taralmaǵan bolatyn.
Aıta ketý kerek, AQSh-ta karantın engizilgen joq. Statıstıka boıynsha, Nıý-Iork shtatynda árbir 17 mınýt saıyn koronavırýs juqtyrǵan adam qaıtys bolǵanyna qaramastan, bul qalada da qozǵalysqa eshqandaı shekteý qoıylmady.
Italııa, Ispanııa, Fransııa jáne Germanııada kún saıyn 5-6 myń adam vırýs juqtyrady. Italııa men Ispanııada táýligine 800-900 adam indettiń qurbanyna aınalyp jatyr. Germanııa naýqastardyń sany boıynsha besinshi orynda turǵanyna qaramastan salystyrmaly túrde qaıtys bolǵandar sany az.
Qytaı men Ońtústik Koreıada jaǵdaı turaqty: ótken táýlikte Qytaıda 3 adam, Koreıada 5 adam qaza tapty.
Úndistan bıligi jappaı karantın jarııalaǵan. Qazir bul elde naýqastar sany 1000-ǵa jetti.