Qazaqstan Respýblıkasynyń Chehııadaǵy elshiligi otandastarymyzdyń elge oralýyna kómektesip jatyr. Bul týraly SIM baspasóz qyzmeti habarlady.
Elshiliktiń habarlaýynsha, Chehııa koronavırýstyń taralýyna tap bolǵan kóptegen elderdiń biri bolyp tabylady. Tótenshe jaǵdaı engizilgennen keıin únemi taýsylmaıtyn týrısterdiń aǵymyna úırengen Chehııa kósheleri bir sátte bosap qaldy.
«Tańerteńnen bastap qazaqstandyq dıplomattar osy elde qalǵan bizdiń azamattarymyzǵa kómek kórsetý úshin jolǵa shyǵady. Otandastarymyz Chehııanyń ártúrli qalalarynda turady. Sondyqtan bir orynda baǵyt qurý qajet. Búgin Qazaqstan Respýblıkasynyń Elshisi Marat Tájınniń tapsyrmasy boıynsha qazaqstandyq dıplomattar Pragadan 120 shaqyrymda ornalasqan kishigirim Behın qalasyna orta mektepte bilim alatyn jas azamattardy osy qaladan evakýasııalaý úshin jolǵa shyqty. Balalardyń keıbireýi jaqynda ǵana 16 jasqa tolǵan. Mektep bitirgennen keıin olar Praganyń joǵary oqý oryndaryna túsýdi josparlap otyr. Al qazir elge oralǵylary keledi», - dedi elshilikten.
Barlyq balalarǵa qorǵaý maskiler berildi. Balalardyń barlyq zattary kólikke artylǵannan keıin kólik tikeleı Pragadaǵy halyqaralyq áýejaıǵa jol tartty. Joldar ábden bos, keıde baǵyttas kólikti kórýge bolady. Elde ómir toqtap qalǵan sııaqty. Praga áýejaıy bosap qalǵanyn kórýge bolady. Shetel azamattardy qaıtarý úshin ǵana sanaýly reıster ushýda. Chehııa azamattaryna óz elinen ketýge tıym salynǵan. Tótenshe jaǵdaı men karantın engizilgen.
Áýejaıǵa jetken soń «Belavıa» áýekompanııasynyń Praga-Mınsk reısine tirkeý men otyrǵyzý jumysy bastaldy. Búgingi kúni Chehııadan Qazaqstanǵa jetý úshin bul jalǵyz ǵana baǵyt bolyp tabylady. Basqa reıske tirkeý pýnkteri jabyq. Kóptegen adamdar ózderiniń reısterin kútýde, únemi reısti keıinge qaldyrady.
«Jas azamattarǵa Behın qalasynan Pragaǵa deıin ádettegi kúnderi de jetý qıyn bolyp tur. Eń aldymen bir qalaǵa jetip, sol qaladan elektrıchkaǵa otyrý kerek. Bizdiń balalarymyzdyń Qazaqstanǵa oralýyna tolyqtaı qoldaý kórsetken chehııalyq dostar men áriptesterge alǵysymyzdy bildiremiz», - dedi elshilikten.