15 adam jaýapkershilikke tartylyp, 5 adamǵa aıyppul salynyp, 10 adam qamaýǵa alyndy.
Quqyq qorǵaý jáne jergilikti atqarýshy organdar júrgizip jatqan quqyqtyq túsindirý jumystaryna qaramastan, jekelegen azamattar tótenshe jaǵdaı jáne karantın rejımindegi tyıymdar men shekteýler talaptaryn buzýyn jalǵastyrýda. Bul týraly Shyǵys Qazaqstan oblysynyń prokýratýrasynyń baspasóz qyzmeti habarlady.
«О́skemen qalasynda kezekti quqyq buzýshylar ustalyndy. Olar meıramhana men lotereıa klýbynyń ıeleri. Atalmysh ákimshilik isterdiń derekteri boıynsha olar tótenshe jaǵdaı rejımine qaramastan saǵat 22:00-den keıin jumys istegen. Mamandandyrylǵan ákimshilik sottyń qaýlysymen meıramhana ıesi 26510 teńge aıyppul túrinde ákimshilik jaýapkershilikke tartyldy. Klýbtyń ıesi 7 táýlikke qamaýǵa alyndy» delingen baspasóz qyzmeti taratqan málimette.
Sonymen qatar sot «Koronavırýs belgileri bar azamattar aýrýhanaǵa jatqyzyldy» degen jalǵan aqparat taratqany úshin Aıagóz aýdanynyń turǵynyn 5 táýlikke qamaýǵa alypty. Jalpy, osy ýaqytqa deıin oblysta 26 ákimshilik is qozǵalyp, 15 adam jaýapkershilikke tartylyp, 5 adamǵa aıyppul salynyp, 10 adam qamaýǵa alynǵan kórinedi.
«Tótenshe jaǵdaı jarııalanýyna baılanysty rejımdi buzý nemese talaptardy oryndamaý 10 AEK mólsherinde aıyppul salýǵa nemese 15 táýlikke deıingi merzimge ákimshilik qamaýǵa alynýyna ákep soǵatynyn eskertemiz» deıdi prokýratýra qyzmetkerleri.
Shyǵys Qazaqstan oblysy