Qaraǵandy oblysynda 30 naýryzdan bastap Qaraǵandy, Saran, Shahtınsk, Abaı jáne Temirtaý qalalary karantınge jabylatyn boldy. Bul týraly tikeleı efırde ótken brıfıngte oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Qanat Asqarov málimdedi.
– Qazirgi ýaqytta Qaraǵandyda koronavırýs juqtyrǵan jeti oqıǵa tirkeldi. Seriktes qalalar turǵyndarynyń 20 paıyzy Qaraǵandyǵa jumysqa jáne basqa sharýalarymen keletinin eskere otyryp, koronavırýs ınfeksııasynyń taralýyna jol bermes úshin bul qalalardy karantınge jabý týraly sheshim qabyldandy, – dedi Qanat Asqarov.
Sonymen qatar, ol arnaıy reısterdi shektemeı avto jáne temir jol vokzaldaryn jabý jóninde memlekettik komıssııaǵa ótinish hat jiberiletinin jetkizdi. «Sondaı-aq, qoǵamdyq kólikti shekteý jáne karantın aýmaǵyn tolyqtaı qorshap alýǵa ótinish jiberemiz», dedi oblystyń bas sanıtar dárigeri.
Qaraǵandy oblysy