Qazirgi koronavırýs kezeńi respýblıka óńirleriniń qarjy-ekonomıkalyq jaǵdaıyna teris áserin tıgizbeı qoımaıtyny kámil. Bulaı bolatyn sebebi buǵan deıingi qalypty kezeńdegideı emes, jergilikti bıýdjetterden qarajat kóleminiń belgili bir kólemi koronavırýsqa qatysty is-sharalardy júrgizýge bólinetininde.
Bul jóninde Aqtóbe oblysyndaǵy ahýal qandaı degen saýalǵa jaýap izdep kórsek, búgingi kúni jergilikti atqarýshy organdardyń rezervi – 2 mıllıard 445 mıllıon teńge ekenin kóremiz. Atalǵan qarajat kózin tótenshe jaǵdaı talaptarynan týǵan is-sharalardy atqarýǵa jusmaý kózdelgen. Birinshiden onyń basym bóligi oblys ortalyǵy men aýdandar aýmaqtaryn dezınfeksııalaýǵa paıdalanylýda. Ekinshiden óńirde áleýmettik mańyzy bar taýarlardyń baǵasyn ósirmeý jáne turaqtandyrý qoryn udaıy tolyqtyryp otyrý máselesine basa nazar aýdarylǵan. Buǵan da bıýdjet qarajattary jumsalýda. Qomaqty somanyń kelesi kezegi qajetti medısınalyq preparattar men buıymdar satyp alýǵa jáne halyqtyń osal toptaryn qoldaýǵa baǵyttalǵan.
Talas joq, elimizde jarııalanǵan tótenshe jaǵdaı ýaqytsha bolsa da, isker azamattar men kásipkerlerdiń, sondaı-aq shaǵyn jáne ortasha bıznes ókilderiniń qyzmetine tejeý salyp oǵan teris áserin tıgizbeı qoımaıdy. Osyǵan oraı oblysta salyq tóleýge qatysty birqatar jeńildikter men qoldaý sharalary belgilenip, onyń tutastaı paketi ázirlengen. Bul jóninde gazet tilshisine Aqtóbe oblysy ákiminiń ekonomıka jáne qarjy jónindegi orynbasary Rýslan Hambarov aıtyp berdi.
Bul tártip elimizge tótenshe jaǵdaı engizilýine baılanysty QR qarjy mınıstrligi Memlekettik kirister komıtetiniń bıznes sýbektilerine qoldaý kórsetýge baılanysty qabyldanǵan sharalarynan keıin júzege asa bastaǵanyn aıtqan jón. Soǵan sáıkes salyqtyq deklarasııalardy tabys etý merzimi otyz kúnge uzartyldy. Soynmen irge azamattar birqatar salyq túrlerin tóleýden bosatyldy. Onyń ishinde zańdy tulǵalar men jeke kásipkerlerdiń iri saýda ǵımarattary, kıno jáne kórme zaldary, teatrlar, saýda, oıyn-saýyq ortalyqtary jáne dene shynyqtyrý, saýyqtyrý baǵytyndaǵy sporttyq nysandar bar.
Sondaı-aq aýylsharýashylyǵy taýarlaryn óndirýshiler aýylsharýashylyǵy maqsatyndaǵy jer salyǵyn tóleýden bosatylǵany qazirgi kúnniń ońdy taktıkalyq tásiliniń biri retinde baǵalanyp otyr. Bul qatarǵa salyq salýdyń jalpyǵa birdeı tártibimen jumys jasaıtyn jeke kásipkerler de kiredi. Iаǵnı olar pakette qarastyrylǵan jeńildikterge sáıkes tabys salyq tólemeıdi. Osy arada debıtorlar arasynda ózara esep aıyrysýlardy aıqyndaý jónindegi taǵaıyndalatyn taqyryptyq tekserýder de toqtatylǵany belgili bolyp otyr.
- Memlekettik kirister organdary bankrot dep taný týraly sheshimdi qabyldaý úshin sotqa talap-aryz berý máselesi de toqtatylatyn boldy. Sonymen qatar kameralyq baqylaý nátıjeleri boıynsha zań buzýshylyqtary anyqtalǵan jaǵdaıda habarlardy jiberý de toqtatylmaq. Kerisinshe tótenshe jaǵdaı merzimi aıaqtalatyn kezge deıin habarlamalardy oryndaý ýaqyty uzartyldy. Kedendik shekaralarda áleýmettik mańyzy bar azyq-túlikterge jasyl dáliz belgileý sharalary qolǵa alyndy. Eń bastysy salyqtyq jáne kedendik tekserýler toqtatyldy dedi,- búgingi kún taqyrybyna oraı gazet tilshisimen oı bólisken Aqtóbe oblysy boıynsha memlekettik kirister departamenti basshysynyń orynbasary Otyzbaı Adaev.