Tynys alýy qıyn adamdarǵa jáne jedel respıratorly vırýstyq ınfeksııalar dıagnozy bar pasıentterge ýaqytyly medısınalyq kómek kórsetý úshin 2 ortalyq anyqtaldy. Sonymen birge bul ortalyqtarda olardy koronavırýsqa tekseredi.
Birinshiden, ortalyq jol aýrýhanasynyń terapııalyq korpýsy pnevmonııasy bar pasıentterdi ǵana qabyldaıdy. Blokta oqshaýlanǵan qabyldaý-dıagnostıkalyq bólimshe uıymdastyrylǵan. Pasıentterdi koronavırýsqa da tekseretin bolady.
Ekinshiden, №2 qalalyq emhana bazasynda (Jeltoqsan kóshesi, 36) JRVI belgileri bar pasıentterdi qabyldaý úshin observasııalyq emhana uıymdastyryldy. JRVI belgileri bar naýqastardy tek №2 qalalyq emhana qabyldaıdy. Emhanada emdelýshilerge koronavırýstyq ınfeksııaǵa zerthanalyq-dıagnostıkalyq zertteýler júrgiziledi.
Sondaı-aq, úsh kópbeıindi aýrýhanalardyń akýsherlik bloktarynda barlyq qajetti medısınalyq jabdyqtarmen jabdyqtalǵan, júkti áıelderdi qabyldaý úshin jeke kiretin esigi bar perzenthanalar uıymdastyryldy. Osy sharalardyń barlyǵy ýaqytyly medısınalyq kómek kórsetýge jáne ınfeksııanyń taralýyn azaıtýǵa baǵyttalǵan.