Osy ýaqytqa deıin Almatyda indetke shaldyqqan 67 naýqas bolsa, bes adamnyń saýyǵyp, 14 kúndik úı karantınine shyqqanyn qýana habarlaǵan bolatynbyz. Bular – úsh er adam, 1 áıel kisi jáne 12 jasar qyz bala. Jeksenbi kúni taǵy 2 adam emdelip, otbasyna oraldy.
Búgin, jeksenbi kúni qalalyq juqpaly aýrýlar stasıonarlarynda barlyǵy 60 naýqas koronavırýstyq ınfeksııadan emdelip jatyr.
Jańadan anyqtalǵan 9 naýqastyń 6-ýy ınfeksııa juqtyrǵandarmen baılanysta bolǵandar. Bir áıel adam 19 naýryzda Mınsk–Almaty reısimen, bir pasıent Dýblın–Ystambul–Almaty baǵytymen jáne bir adam Ystambul–Almaty reısimen ushyp kelgen.
Jalpy alǵanda, búgingi kúni provızorlyq ortalyqtarda 1032 adam bar. Onyń 122-si – bala, 159 adam karantındik oqshaýlaýda, 1514 adam úı karantıninde otyr.
ALMATY