Qurlyqtyq hokkeı lıgasynyń oıyndary koronavırýs pandemııasyna baılanysty toqtaǵan soń QHL basshylyǵy maýsymdy sońyna jetkizý úshin jańa júıe oılap tapty.
Endi Gagarın kýbogynyń jeńimpazyn hokkeıshiler emes, jankúıerler anyqtaıdy. Iаǵnı, jarystyń 1\4 kezeńinde oınaýy tıis bolǵan komandalar QHL-diń áleýmettik jelidegi (VK, Twitter, Odnoklassnık, Instagram) resmı paraqshalaryndaǵy saýaldama arqyly básekege túsedi. Bul jerde de tórt márte jeńiske jetken komanda kelesi kezeńge joldama alady.
Alǵashqy onlaın básekede jerlesterimiz Novosibirdiń «Sıbır» komandasynan jeńildi. QHL uıymdastyrýshylarynyń aıtýynsha, «Barys» jankúıerleri daýys kezinde ereje buzǵany úshin bizdiń komandadan 50 paıyz daýysty shegergen. Qorytyndy nátıje – 61 845:43 520 «Sıbırdiń» paıdasyna.