30 naýryzdan bastap ár qalada bir-bir HQO daıyn qujattardy berý úshin biryńǵaı tereze retinde jumys isteıdi. Munda qazaqstandyqtar onlaın túrde kórsetiletin memlekettik qyzmetterdiń daıyn nátıjesin ala alady. eGov portalynda qyzmet nátıjesi qaǵaz túrinde beriletin 23 túrli memlekettik qyzmet bar. Bul týraly «Azamattarǵa arnalǵan úkimet» MK KE AQ Shymkent qalasy boıynsha fılıalynyń baspasóz hatshysy Altynaı Tataeva habarlady.
Mamandandyrylǵan HQO-da da daıyn qujattardy berý terezeleri ǵana jumys isteıdi, onda avtokóligin qaıta tirkeýge qoıǵan nemese júrgizýshi kýáligin onlaın aýystyrǵandar daıyn qujattary men memlekettik tirkeý nómirin ala alady.
«Daıyn qujattardy berý terezeleriniń jumys kestesi: dúısenbi-juma 9.00-den 17.00-ge deıin. Senbi – saǵat 9.00-14.00 aralyǵy. Shymkent qalasy boıynsha, Mádeli Qoja kóshesi 1G, mekenjaıynda ornalasqan №1 HQO-nan daıyn qujattardy alýǵa bolady. Al, avtokólik ıeleri daıyn qujat boıynsha Dostyq m.a. ornalasqan mamandandyrylǵan HQO-na júgine alady", - dep túsindirdi Altynaı Tataeva.
Esterińizge salar bolsaq, QR Prezıdenti Qasym-Jomart Toqaevtyń tapsyrmasy boıynsha Qazaqstanda koronavırýs ınfeksııasynyń taralýyn boldyrmaý maqsatynda barlyq halyqqa qyzmet kórsetý ortalyqtarynyń jumysy toqtatyldy. Azamattar qyzmetterdi tek elektrondy formatta alady.