– Búginge deıin Almatyda koronavırýstyq ınfeksııasyn juqtyrýdyń 73 jaǵdaıy tirkeldi, onyń jeteýi saýyǵyp, úıine shyqty, – dedi búgingi onlaın-brıfıngte qalalyq Qoǵamdyq densaýlyq basqarmasy basshysy Tileýhan Ábildaev.
Nátıjesinde, búgin dúısenbi kúni Qalalyq juqpaly aýrýlar stasıonarlarynda COVID-19-dan emdelip jatqan 66 pasıent bar.
Jańadan anyqtalǵan 6 adamnyń tórteýi baılanysta bolǵandar, bir pasıent 19 naýryzda Mınsk–Almaty reısimen jáne bireýi osy kúni Ystambul–Almaty reısimen ushyp keldi.
Emdeýge jatqyzylǵandardyń ishinde 11 jastaǵy bala bar, qazir ol Qalalyq balalar juqpaly aýrýlar aýrýhanasynda ákesimen birge.
Qazirgi kezde 58 naýqastyń jaǵdaıy – qanaǵattanarlyq, – eresek naýqastyń jaǵdaıy aýyr, 6 eresek adam men 1 balanyń densaýlyǵy ortasha aýyr.
Provızorlyq ortalyqtarda 1046 adam bar, onyń ishinde 102-si – bala. Almatydaǵy provızorlyq ortalyqtar sany altyǵa deıin kóbeıgenin atap ótý qajet. Buǵan deıin 4 ortalyq boldy.
Karantındik oqshaýlaý úshin 3 shıpajaı jáne bir jataqhana bólindi.
Qazir 419 azamat karantındik oqshaýlaýda jatyr. Bul shetelden kelgen adamdar. Olardyń barlyǵy qaı elden kelgenine qaramastan, eki kúndik karantınge ornalastyrylýda. Reısten túskennen keıin olardan birden COVID-19-ǵa taldaýlar alynýda. Nátıje teris bolǵan jaǵdaıda olar úılerine jiberiledi.
ALMATY