Bul týraly Aqparat jáne qoǵamdyq damý mınıstri Dáýren Abaev habarlady.
«Memleket basshysy Qasym-Jomart Toqaev koronavırýspen kúresip jatqan medısına qyzmetkerlerine kómek kórsetý týraly tapsyrma bergen. Osyǵan oraı búgin Úkimet basshysy Asqar Mamın memlekettik komıssııanyń otyrysyn ótkizip, onda arnaıy sheshim qabyldady», - dedi mınıstr.
Medısına qyzmetkerleri jumysynyń qaýiptiligine qaraı 3 topqa bólingen.
«Birinshi top – bul reanımasııa bólimderimen qosa alǵanda juqpaly aýrýlar stasıonarlardyń dárigerleri, orta jáne kishi medısıa qyzmetkerleri, barlyǵy – 3284 maman. Olardyń jalaqysyna ústeme aqy aıyna 850 myń teńgeni quraıdy. Iаǵnı, ortasha aılyǵyn qosqanda olar aıyna shamamen 1 mln teńgeniń ústinde alady. Ekinshi top – provızorlyq stasıonar men jedel-járdem dárigerleri, orta jáne jáne kishi medısına qyzmetkerleri, barlyǵy – 11951 maman. Olardyń ústeme aqysy aıyna 425 myń teńgeni quraıdy. Iаǵnı, ortasha aılyǵyn qosqanda olar aıyna shamamen 600 myń teńge alady. Úshinshi top – karantındik stasıonar dárigerleri, orta jáne kishi medısına qyzmetkerleri, sanıtarlyq dárigerler, jedel-járdem júrgiziýshileri jáne t.b. Barlyǵy – 11994 qyzmetker. Olar aıyna 212 myń teńge ústeme aqy alady. Iаǵnı, ortasha aılyǵyn qosqanda olar shamamen 380 myń teńge alady», dedi Dáýren Abaev.