Qurlyqtyq hokkeı lıgasyndaǵy (QHL) Nur-Sultannyń «Barys» klýbynda oınaǵan fınlıandııalyq qorǵaýshy Atte Ohtamaa kelesi maýsymdy Iаroslavldiń «Lokomotıvinde» ótkizedi.
32 jastaǵy Sýomı eliniń ókili ár jyldary Fınlıandııa chempıonatyndaǵy «Kıarpıat» pen «Iokerıt», Qazannyń «Aq Bars» jáne Shveısarııanyń «Lýgano» klýbtarynda óner kórsetti. Tatarstandyq komanda sapynda Gagarın kýbogyn jeńip aldy. Uzaq jyldar óz eliniń ulttyq quramasynyń namysyn qorǵap, 2014 jyly álem chempıonatynyń kúmis júldegeri jáne 2019 jyly álem chempıony atandy.
2019/2020 jylǵy maýsymdy Ohtamaa «Barystyń» sapynda ótkizdi. Sol aralyqta 36 márte muz aıdynyna shyqqan ol alty gol soǵyp, 15 ret nátıjeli pas berdi. Barlyǵy – 21 upaı. Pleı-off dodasynda bir gol soǵyp, bir márte ońtaıly pas berdi.
Atte Ohtamaa men «Barys» arasyndaǵy kelisimsharttyń merzimi 30 sáýirde aıaqtalady. Sodan keıin aıtýly hokkeıshiniń agentteri onyń Iаroslavldiń «Lokomotıvine» aýysatyny jaıynda málimdedi. Sonymen qatar, fınlıandııalyq qorǵaýshyǵa Magnıtogrskiniń «Metallýrgi» kóz tikken bolatyn. Alaıda oıynshynyń tańdaýy «Lokomotıvke» tústi.