Eńbek jáne halyqty áleýmettik qorǵaý mınıstrligi tótenshe jaǵdaı kezinde tabysynan aıyrylǵan tulǵalarǵa Memlekettik áleýmettik saqtandyrý qorynan (MÁSQ) tólenetin jańa áleýmettik tólemaqy alatyndar tizimin keńeıtip, talaptaryn jeńildetetin sheshim qabyldady.
Bir adamǵa aıyna 42,5 myń teńge kóleminde (eń tómengi jalaqy mólsheri) taǵaıyndalatyn áleýmettik kómekti alýshylar qatary ulǵaıtyldy. Buǵan deıin bekitilgen mıkro, shaǵyn jáne orta bıznes ókilderi, jeke kásipkerler, jeke tájirıbedegi (notarıýs, jeke sot oryndaýshy, advokat, kásibı medıator) tulǵalar, birrettik tólem jıyntyǵyn tóleýshiler qataryna tómendegi tulǵalar da engizildi:
– azamattyq-quqyqtyq kelisim-shart negizinde tabys tapqan, mindetti zeınetaqy jarnasy salyq tóleýshiler esebinen tólengen azamattar;
– karantın jarııalanǵan eldimekenderdegi iri bıznes nysandarynyń jumyskerleri.
Tótenshe jaǵdaı kezinde tabysyn joǵaltqandyǵyn rastaıtyn qujattardy usyný tártibi kúshin joıdy. Áleýmettik tólemaqy taǵaıyndalý úshin jumys berýshi ótinishpen birge tek jumyskerleriniń tizimin beredi. Joǵaryda atalǵan tulǵalar tek óziniń jeke málimetterin kórsetý arqyly ótinish bere alady.
Sondaı-aq, qyzmetkerdiń ózi de ótinish bere alady. Jeke tulǵalar ótinishin elektrondy túrde «Elektrondy úkimet» veb-portalyna qaldyra alady. Ol úshin ótinish berýshiler tótenshe jaǵdaı kezinde tabysynan aıyrylǵandyǵy týraly málimettiń durystyǵyna ózi jaýapty bolady.
Esterińizge sala keteıik, buryn áleýmettik tólemge ótinishti jumys berýshiler ózderiniń jumysshylary úshin berse, jeke kásipkerler, shaǵyn kásipkerler jáne bir jolǵy tólemdi tóleýshiler ózderi úshin beretin.
Sonymen birge, jumys berýshiler tótenshe jaǵdaı kezinde qyzmetti shekteýge baılanysty óz qyzmetkerleriniń kiristerin joǵaltýyn rastaıtyn qujattardy, qyzmetkerlerdiń tizimin jáne qyzmetkerlerge jalaqysy saqtalmaıtyn eńbek demalysyn berý týraly buıryqtan úzindi usynýy kerek bolatyn.
Tólemaqyny tóleý úshin qajetti áleýmettik saqtandyrý júıesine qatysý merzimi qysqartyldy. Eger buryn tólemaqyny taǵaıyndaý úshin áleýmettik saqtandyrý júıesine sońǵy 12 aı ishinde keminde 3 aı qatysqandyǵy týraly málimet talap etilgen bolsa, endi tólemaqyny taǵaıyndaý úshin jumys berýshi jumyskerine 12 aıdada eń bolmasa 1 ret áleýmettik jarna aýdarǵan bolsa, jetkilikti.
Áleýmettik tólemaqydan úmitkerler óziniń áleýmettik aýdarymynyń nemese zeınetaqy jarnasynyń bar-joǵyn dáleldep jatýy mindetti emes, ol týraly «Turǵyndarǵa arnalǵan úkimet» UAQ avtomatty túrde tekseredi.
Sonymen qatar, ótinishterdi qaraý jáne áleýmettik tólemaqylardy taǵaıyndaý merzimi 7 kúnnen 3 kúnge qysqartyldy.
Tótenshe jaǵdaı kezindegi MÁSQ-dan tólenetin jańa áleýmettik tólemaqy týraly qajetti keńester alý úshin «jedel jeli» qyzmeti jumys isteıdi:
+7 707 335 06 13
+7 707 335 05 14
+7 707 335 06 15
+7 702 047 29 35
+7 702 172 39 21
+7 702 957 45 93
+7 775 882 51 46
+7 775 822 52 87
+7 775 882 53 49
+7 775 882 53 66
+7 778 382 27 26
+7 778 487 33 48
«Jedel jeli» kún saıyn saǵat 09:00-den saǵat 18:00-ge deıin isteıdi.
ALMATY