Naýqastardyń ishindegi 8 naýqastyń jaǵdaıy aýyr. Bul týraly Densaýlyq saqtaý mınıstri Eljan Birtanov habarlady.
«302 naýqastyń arasynda 14 jasqa deıingi 2 bala bar. 74-i basqa memleketten kelip aýyrǵan azamattar, 97 naýqas basqa aýrýlarmen qarym-qatynasta bolǵan. 131 naýqas osy elde aýyrǵan, sebepteri belgisiz. Sonymen osy aqparattyń negizinde biz elimizde karantındik sharalardy kúsheıtýge usynystar berip, búginnen bastap memlekettik komıssııa osyndaı sheshim qabyldap, barlyq óńirlerge karantındik sharalardy kúsheıtý boıynsha tapsyrma berdi», - dedi Eljan Birtanov.
Mınıstr naýqastardyń jaǵdaıyna toqtaldy.
«8 naýqastyń jaǵdaıy nashar dep sanalady. 4-eýi jasandy ventılıasııada, jaǵdaılary respýblıkalyq bas mamandarmen talqylanyp, baqylaýda bolady. Sonymen qatar, ortanshy jaǵdaıda - 30 naýqas, al 244 naýqas jeńil jaǵdaıda nemese sımptomsyz naýqastar»,-dedi mınıstr.
Barlyq sanıtarııalyq-dıagnostıkalyq jáne emdeý sharalary burynnan bekitilgen algorıtmder boıynsha engizilýde.