Elimizde dárigerler, meıirbıkeler tómengi medısınalyq qyzmetkerler 3 aıdyń ishinde 850 myń teńge qosymsha aılyq alady. Bul týraly Densaýlyq saqtaý mınıstri Eljan Birtanov málimdedi.
«Jalpy aldaǵy ýaqytta 26 myńnan astam medısınalyq qyzmetkerler qosymsha qarjylyq kómek alatyn bolady. Bizdiń áriptesterimiz 3 topqa bólindi. Infeksııalyq táýekelge baılanysty birinshi top óte joǵary táýekel dep aıtýǵa bolady. Bul ınfeksııalyq aýrýhanalarda jáne sol aýrýhanalardaǵy ıntensıvtik terapııa jáne reanımasııa bólimshelerinde isteıtin dárigerler, meıirbıkeler tómengi medısınalyq qyzmetkerler solarǵa arnalǵan aı saıynǵy naýryz aıynan bastap 3 aıdyń ishinde 850 myń teńge qosymsha aılyǵyna tólenetin bolady. Al ekinshi topta 12myńǵa jýyq medısınalyq qyzmetkerler olar 425 myń teńge aılyǵyna qosymsha alatyn bolady. Bul qyzmetkerlerge provızorlyq klınıkalardaǵy jáne jedel járdem qyzmetkerleriniń dárigerleri jatady. Ortanshy jáne kishi qyzmetkerler olar tikeleı aýyrǵan naýqastarmen baılanyspaıdy biraq kúndelikti basqa aýrýlarmen sonyń ishinde, koronavırýstyq ınfeksııaǵa baılanysty múmkin aýyrǵan naýqastarmen jumys jasaǵannan keıin, bular ekinshi topqa engiziletin bolady. Al úshinshi ortasha top bul mamandardyń ishinde orta jáne kishi qyzmetkerler sanıtorlyq dárigerler jatady. Sol sebepti 11 myńǵa jýyq bizdiń áriptesterimiz 212 myń teńge aı saıyn alatyn bolady» dedi Eljan Birtanov.