Búgin Ortalyq kommýnıkasııalar qyzmetiniń alańynda eldegi koronavırýstyq ınfeksııa boıynsha aǵymdaǵy jaǵdaıy jaıly baspasóz maslıhaty ótti.
«О́te joǵary juqpaly aýrý bolǵannan keıin, ókinishke qaraı, basqa da memleketterdegi jaǵdaıdy kórip otyrmyz, naýqastardyń arasynda medısınalyq qyzmetkerler de bolady. Osy máseleni qarastyra otyryp, medısınalyq qyzmetker aýyryp qalsa, olarǵa arnaıy áleýmettik saqtandyrý qorynan 2 mln teńge, al óte kúrdeli jaǵdaı jáne qaıtys bolǵan jaǵdaılarda 10 mln teńge bólinetin bolady. Bul sharalar óte mańyzdy», - dedi mınıstr.
Qazirgi kúnde dárigerlerimiz kúndiz-túni úılerine barmaı, provızorlyq stasıonarlarda jumys istep jatyr. Sondaı-aq mınıstr sanıtarlyq dárigerlerdiń qańtardan bastap áýejaılarda óte mańyzdy sanıtarııalyq jumys júrgizip jatqanyn atap ótti.
«Bul - memleket tarapynan, Memleket basshysynan úlken qoldaý. Sondyqtan barlyq medısına qyzmetkerleri atynan Prezıdentke rahmetimdi aıtqym keledi», dedi Densaýlyq saqtaý mınıstri Eljan Birtanov.