Ekologııa, geologııa jəne tabıǵı resýrstar vıse-mınıstri Sergeı Gromov Qyrǵyzstanǵa jasaǵan jumys saparynda respýblıkanyń Úkimet basshysy Muhametqaly Abýlǵazıevpen Jambyl jəne Túrkistan oblystarynyń dıqandaryn sýmen qamtamasyz etý məselesin talqylady. Atap aıtqanda, vıse-mınıstr Qazaqstan men Qyrǵyzstannyń arasyndaǵy Toktoǵul sý qoımasyn jaqsartýǵa arnalǵan elektr energııasy taýarlaryn almasý kestesiniń oryndalmaýy məselesin kóterdi. Bul týraly jaýapty mınıstrliktiń saıtynda habarlandy.
Osyǵan baılanysty byltyrǵy təjirıbe boıynsha jańa keste jasaý usynyldy.
Budan basqa, S.Gromov kezdesýde Shý ózenindegi sý sharýashylyǵy ahýalyn qozǵady.
"2019 jylǵy vegetasııalyq kezeńde Shý ózeninde qazaqstandyq tarap belgilengen kólemniń 64%-in ǵana alǵan. Bizdiń aımaqtyq sý sharýashylyǵy uıymdaryna 2020 jylǵy vegetasııalyq kezeńde Shý men Talas ózenderindegi memleketaralyq paıdalanýdaǵy sý sharýashylyǵy nysandarynan sý berý kestesin əzirlep, kelisýdi tapsyrýdy usynamyn", - dedi vıse-mınıstr.
Taraptar sondaı-aq Shý ózeninde ornalasqan memleketaralyq paıdalanýdaǵy nysandardy jóndeý jumystaryn oryndaý məselesin kelisti.