Almaty oblysynyń aýmaǵynda koronovırýs ınfeksııasy 7 adamnan tabyldy. Al juqpaly indet taralýynyń aldyn alý jumysy kúsheıdi. Erteńnen bastap óńirdegi azyq-túlik dúkenderinen basqa barlyq qoǵamdyq oryndardyń jumysy toqtatylady.
- Oblys ákimdigi koronavırýs indetimen kúreste qosymsha qaýipsizdik sharalaryn engizdi. Barlyq saýda oryndary, bazarlar, kóshe saýdasynyń jumysyna da tyıym salynady. Erteńnen bastap olar jumys istemeıdi. Al arenda máselesine keletin bolsaq, ákimdik jumys júrgizdi. Qojaıyndary arnaıy jeńildikter qarastyrýy múmkin. Bul másele sheshiledi. Sondaı-aq, kólik jóndeýmen aınalysatyn oryndardyń da jumysy toqtady. Endi dámhanalar tek satyp alýshyǵa tapsyrysyn jetkizýmen aınalysatyn bolady, - dedi jýrnalıstermen ótken brıfıngte Almaty oblysy ákiminiń orynbasary Batyrjan Baıjumanov.
Shekteý sharasy Almaty oblysynyń bas sanıtar dárigeriniń qaýlysyna sáıkes 31 naýryz, saǵat 00:00-den bastap kúshine enedi. Iаǵnı, endi oblysta jármeńkeler ótkizilmeıdi, azyq-túlik satpaıtyn saýda ortalyqtarynyń, bıznes-ortalyqtardyń, ınternet jáne kompıýterlik klýbtardyń, oıyn mekemeleriniń, bazarlardyń, qoǵamdyq tamaqtaný oryndarynyń, dinı mańyzdaǵy nysandardyń, menshik nysanyna qaramastan mektepke deıingi mekemelerdiń jumysy ýaqytsha toqtaıdy.
-Jasy 65-ten asqan azamattardyń kóshede júrýine shekteý qoıylyp, olarǵa qajetti azyq-túlik pen medıkamentterdi úılerine jetkizip berý qamtamasyz etiledi. Kámelettik jasqa tolmaǵandar da ata-anasynsyz óz betimen syrtta júre almaıdy. Saıabaq, skver, ortalyq alań sııaqty halyq kóp jınalatyn oryndarǵa barýǵa bolmaıdy, ol jerlerde polısııa beketteri ornatylady, - dedi oblys ákiminiń orynbasary Batyrjan Baıjumanov.