Elbasy, partııa Tóraǵasy Nursultan Nazarbaevtyń partııanyń kezekten tys XII sezinde bergen tapsyrmasyna sáıkes 2020 jylǵa deıingi partııanyń jańa baǵdarlamasyn ázirleý boıynsha jumys jalǵasýda.
Atalǵan qujattyń mańyzdylyǵy men ózektiligin eskere otyryp, baǵdarlamany daıyndaıtyn jumys tobyn qurý týraly sheshim qabyldanǵan bolatyn. Ortalyq apparatta partııa Tóraǵasynyń birinshi orynbasary Nurlan Nyǵmatýlınniń tóraǵalyǵymen alǵashqy jıyn ótti.
Jobany daıyndaýǵa tanymal ǵalymdar men áleýmettik jáne gýmanıtarlyq sala mamandarynan quralǵan sarapshy top qatysýda. Sarapshylar baǵdarlama jobasynyń qurylymy men mazmuny boıynsha usynystar ázirledi.
Nurlan Nyǵmatýlın: “Prezıdentimiz, partııamyzdyń Tóraǵasy atap ótkendeı, baǵdarlama qoǵamdyq damýdyń ár túrli baǵyttaryn qamtıtyn maqsatty, júıeli qujat bolýǵa tıis”, – dep atap ótti.
Jumys tobynyń quramyna Parlament depýtattary, memlekettik organdar ókilderi, óńirlerden, partııanyń Ortalyq apparaty men Parlamentarızm ınstıtýtynyń qyzmetkerleri, sondaı-aq tanymal ǵalymdar kirdi.
Baǵdarlamanyń daıyndalǵan jobasyn partııalyq uıymdarda keń ári jan-jaqty talqylaý mejelenip otyr.
“Egemen-aqparat”.