Tótenshe jaǵdaı rejımi men karantındi qatań saqtaý jónindegi eskertýlerge qaramastan, azamattar men kásipkerlik sýbektiler tarapynan talaptar men shekteýlerdi buzý faktileri kezdesýde, dep habarlady oblystyq prokýratýranyń baspasóz qyzmeti.
Búgingi tańda oblysta tótenshe jaǵdaı rejımin buzǵany úshin 163 ákimshilik materıal qozǵalǵan, onyń ishinde 130 is boıynsha 67 aıyppul túrindegi jaza qoldanyldy. 62 turǵyn qamaýǵa alynyp, bir adamǵa eskertý jasalǵan.
Atap aıtqanda, Qaraǵandy qalasyndaǵy «Volna» dúkeniniń satýshysy jumys ornynda maska taqpaǵany úshin atalǵan nysannyń ıesi 5 táýlik merzimge ákimshilik qamaýǵa alyndy.
Sonymen qatar, Jezqazǵanda dezınfeksııalyq kilemniń bolmaýy faktisi boıynsha «Sulpak» dúkeni fılıalynyń dırektory eki táýlikke qamaldy.
Barlyq múddeli organdardyń ishinen qurylǵan mobıldi toptar tótenshe jaǵdaı rejımin buzý faktileriniń jolyn kesý boıynsha jumysty jalǵastyratyn bolady. Talaptardy buzǵan tulǵalarǵa qatań sharalar qoldanylady.
Oblystyq prokýratýra óńirdegi kásipkerler men azamattardy barlyq qajetti qaýipsizdik sharalaryn qabyldap, tótenshe jaǵdaı rejıminiń jáne karantınniń talaptaryn saqtaýǵa shaqyrady.
Qaraǵandy oblysy