Belgili ánshi Dımash Qudaıbergen Instagram paraqshasyndaǵy beıneúndeýinde halyqty sabyrǵa shaqyrdy.
«О́tinemin, úıden shyqpańyzdar. Bul ázil emes, óte kúrdeli jaıt, úıden shyqpańyz. Bul vırýsty jeńetinimizge senemin. Bári de ótkinshi men oǵan senemin, men sizderge senemin, ózderińizdi qorǵap júrińizder. Biz úıde otyrýǵa tıispiz. Men de qazir úıdemin. Qazaqstan astanasy Nur-Sultanda inimmen birge Play station oınap otyrmyn», dedi Dımash Qudaıbergen beıneúndeýinde.
Budan soń ánshi saqtyq sharalaryna nemquraıly qaramaý kerek ekenin atap ótti.
«Sizderge eń aldymen densaýlyq tileımin. Kúlli álemdi bılegen aýyr indettiń aldyn alý maqsatynda atqarylyp jatqan barlyq saqtyq sharalaryna nemquraıly qaramaýǵa shaqyramyn. Sál tózimdilik tanytyńyzdar! Alla bárimizge sabyr bersin! Elimiz aman, jurtymyz tynysh bolǵaı. Bul da bir ótpeli dáýren dep bilemin. Jaqsy sóz jarym yrys deıdi qazaqta. Biz bul dertti jeńip shyǵamyz», dedi ol.