Naýryz aıynda Elemesovter otbasyna súıinshilegen habar birneshe elden qatar jetti. Bul – Adelınanyń álemdegi eń bedeldi ýnıversıtetterge qabyldanǵany týraly resmı hattar bolatyn.
Osylaısha, Halyqaralyq bakalavrıat (IB) Nazarbaev Zııatkerlik mektebiniń oqýshysy Adelına Elemesova Plıýsh Lıgasynyń eki birdeı ýnıversıtetiniń bolashaq stýdenti atanyp shyǵa keldi.
Plıýsh Lıgasynyń Kolýmbııa jáne Kornell sııaqty eń áıgili ýnıversıtetteri qazaqstandyq túlekti stýdent retinde qabyldaýǵa daıyn. Sonymen qatar talapty jas Northwestern University (AQSh), Amherst College (AQSh), YaleNUS (Sıngapýr), Duke Kunshan University (Qytaı) oqý oryndarynan shaqyrtý aldy.
Búgingi kúnderi Adelına qaı ýnıversıtetti tańdaıtyny týraly sheshim qabyldaıdy. Degenmen daryndy qyz óziniń mamandyǵy ǵylym jáne jasandy ıntellektpen baılanysty bolatynyn anyq biledi.
Nur-Sultan qalasyndaǵy Halyqaralyq bakalavrıat (IB) Nazarbaev Zııatkerlik mektebiniń 12-synyp oqýshysy Adelına Elemesova – eriktiler qozǵalysynyń jáne TEDx jobalardyń belsendi qatysýshysy, tennısten qalalyq jáne respýblıkalyq týrnırlerdiń chempıony.
ALMATY