Koronavırýs pandemııasy kezinde ónimniń qaýipsizdigin qamtamasyz etýdiń jalǵyz joly – syrtqy álemmen baılanysty tolyq toqtatý.
Karantın talaptaryn basty nazarda ustap otyrǵan «Shın-Laın» kompanııalar tobynyń prezıdenti, jabyq perımetr komendanty Andreı Shınniń aıtýynsha, aǵymdaǵy jyldyń 17 naýryzynan bastap Almatydaǵy balmuzdaq fabrıkasy, shıkizat jáne daıyn ónimder qoımasy jabyq karantındik júıege kóshken.
Kompanııanyń qazirgi kezdegi mindeti – óndiristi toqtatpaý jáne jańa jaǵdaıǵa jedel áreket etý, tolyqqandy jabyq tehnologııalyq tizbekpen qamtamasyzdandyrý jáne óz ónimderiniń 100% qaýipsizdigine kepildik berý jáne qyzmetkerler men tutynýshylarǵa qoldaý kórsetý.
««Shın-Laın» balmuzdaǵy adam basqarýymen júzege asatyn tehnologııalyq úrdisterge negizdelgen. Fabrıkada TJ kezinde álemdik jáne qazaqstandyq sapa standarttaryna saı keletin balmuzdaqtyń 30 asa suranysqa ıe túri óndiriledi. О́nimniń túrleri azaıǵanymen, tutynýshylar tarapynan jıi suranysqa ıe balmuzdaqtar satylymda bar. Jabyq perımetrdegi jumystyń alǵashqy kezeńinde ónim óndirý táýligine 30 tonna bolsa, qazirgi ýaqytta 60-qa jetti. Aldaǵy aptada táýligine 80 tonna balmuzdaq shyǵarý josparlanyp otyr. О́tken jyldyń sáıkes kezeńimen salystyrǵanda, satylym 2020 jyldyń naýryz aıynda 26%-dan astam tonnalyq jáne 35%-dan astam aqshalaı sıpatta ósti. «Eskımo nemese plombır – nan nemese qaraqumyq sııaqty birinshi qajettiliktegi ónim emes, - deıdi Andreı Shın. – Balmuzdaqta 100-ge jýyq aǵzaǵa paıdaly zattar bar. Biz tipti vıtamındermen qosymsha baıytylǵan jańa túrdi shyǵarýdy qarastyrýdamyz. Sonymen qatar, balmuzdaq aǵzada baqyt gormony serotonınniń deńgeıin arttyrýǵa yqpal etedi, sondyqtan kóńil-kúıdi kóteredi jáne stressti jeńýge kómektesedi».
«Shın-Laın» shıkizaty Malaızııadan, Ońtústik Koreıadan, Reseıden, Belarýsten jáne Eýropadan alyndy. Balmuzdaqtyń sapasy men dámdik sıpattamalaryna nuqsan keltirmeı, ımporttyq shıkizatty Qazaqstandaǵy ıngredıentterge josparly túrde aýystyrý júrgizilýde.
Qazirgi kezeńde óndiriste 400 qyzmetker jumys isteıdi. Qyzmetkerler úshin jatyn oryndary, gıgıenalyq talaptarǵa saı jataqhana, ashana, medısınalyq beket jumys isteıdi. Jumys aýysymynan tys belsendi demalýǵa arnalǵan tennıs ústelderi men voleıbol alańy ornatylǵan.
Fabrıka táýlik boıy jumys isteıdi. Jumys kestesine oraı sanıtarlyq kúnder de qarastyrylǵan. Jabdyqtar men úı-jaılardy qajetti zalalsyzdandyrý kún saıyn júrgiziledi. Aımaqqa kiretin kólikti dezınfeksııalaý jáne júrgizýshilermen baılanyssyz jumys isteý tetigi de oılastyrylǵan: Barlyq avtomobılder dońǵalaqtar men korpýsty dezınfeksııalaýdyń arnaıy aımaǵynan ótedi, qujattar arnaıy syrtqy konteınerlerge salynady.
ALMATY