Almaty oblysynda taǵy 1 turǵynnyń koronavırýs juqtyrǵany belgili boldy. Jalpy, búgingi tirkelgen derek boıynsha Jetisýda indet juqtyrǵan adam sany toǵyzǵa jetti.
Aldyn ala málim bolǵandaı, indet belgisi taǵy da Qarasaı aýdany aýmaǵynan tabylǵan. 1959 jyly týǵan áıel adam buǵan deıin koronavırýs anyqtalǵan «Asyl Arman» turǵyn úı kesheniń turǵyny bolýy múmkin. Naýqas qazir Qaskeleńdegi juqpaly aýrýlar emhanasynda oqshaýlanǵan.
Aıtpaqshy, bul oblys aýmaǵynda turatyn adamdar arasynda anyqtalǵan segizinshi indet juqtyrý deregi. Resmı derekterde jarııalanǵan tizimdegi bir adam Almaty qalasynyń turǵyny eken. Bastapqyda ózin nashar sezingen naýqas Almaty qalasynda ornalasqan oblystyq klınıkalyq aýrýhana kómek surap barǵan. Tıisti tekserýden keıin ol adamnan koronavırýs ınfeksııasy tabylyp, jedel túrde oqshaýlanǵan.
Almaty oblysy