Agrarlyq ónim óndirshilerdi memlekettik qoldaýdyń www.qoldau.kz biryńǵaı portaly sońǵy úsh jyldaǵy AО́K sýbsıdııa alýshylardyń tizilimin jarııalady. Kez kelgen azamat bul portaldan qazaqstandyq qandaı kásiporyn qandaı kólemde memlekettik qoldaý alyp jatqanyn bile alady.
Byltyr bul tizimde elimizdiń 33 myńnan astam kásiporyny jarııalanǵan eken, bıyl olardyń sany ázirge 7 myńnan asady.
- Árıne, elektrondyq sýbsıdııalaý úderisteri áli tolyq jetildirile qoıǵan joq. Sondyqtan aryz-shaǵymdardyń bolatyny zańdy. Biraq bul - ýaqytsha másele. Memlekettik qoldaýdy sıfrlandyrý kúrdeli másele bolǵanymen qajetti úderis. Ol mańyzdy statıstıkany júrgizýge, sýbsıdııalaýdyń tıimdiligin boljaýǵa jáne taldaýǵa múmkindik beredi, - deıdi "Aqparattyq-esepteý ortalyǵy" AQ bas mamany Azamat Qurmanov.
Mamannyń aıtýynsha, endi agrarlyq vedomstvo sýbsıdııalaý jónindegi derekterdi kompanııalardyń ekonomıkalyq, qarjylyq kórsetkishterimen salystyra otyryp júrgizýdi qolǵa alǵan. Sonyń arqasynda endi kompanııalardyń salyq, áleýmettik aýdarymdardy qalaı júrgizip jatqany, kásiporyndardaǵy jalaqy deńgeıi, óndiristiń ónimdiligi - bárin avtomattandyrylǵan júıemen baǵalaýǵa múmkindik týmaq. Alaıda bul kórsetkishterge áser etetin faktorlar óte kóp jáne tıimdi qural ázirlený úshin ýaqyt qajet kórinedi. Degenmen de mamandar taldaýdyń nátıjeleri ashyq bolady dep otyr, ıaǵnı tıimdi elektrondyq júıe jetilip, jaqsy jolǵa qoıylǵan kezde memleket te, qoǵam da sýbsıdııalaý qanshalyqty ózin-ózi aqtaǵanyn, qandaı baǵyttarda tıimdi bolǵanyn kóre alady.
- О́kinishke qaraı, barlyq sýbsıdııa Qoldaý arqyly berilmeıdi, sondyqtan memlekettik bıýdjet shyǵyndarynyń keıbir kólemi kópshilik baqylaýynan tys qalyp otyr. Mal sharýashylyǵy úshin sýbsıdııalardyń bir bóligi Et odaǵynyń bastamasy boıynsha basqa júıemen tólenedi jáne bul jurtshylyqqa jarııaly emes, - deıdi A.Qurmanov.
Qymbat TOQTAMURAT