Búginde elimizdiń birqatar óńirlerimen qatar, Jambyl oblysynyń aýmaǵynda da shekteý sharalary engizildi. Turǵyndardyń qaýipsizdigi basty nazarda.
Oblys ákimi Berdibek Saparbaev ótkizgen óńirlik shtabtyń otyrysynda oblys ákiminiń orynbasary Erjan Jylqybaev 5 aýdanda medısınalyq maska daıyndaıtyn sheberhanalar uıymdastyrylǵanyn jetkizdi. Onyń aıtýynsha, búginde olarda 17,8 myń birlik maska tigilgen. Áıtse de bul jetkiliksiz bolyp otyr.
Sonymen qatar indettiń aldyn alý maqsatynda búginde oblys boıynsha 16 blok-beketter jumys isteýde. Biraq teplovızorlar aýrýdy dál anyqtaýǵa qabiletsiz eken. Bul qurylǵylar koronavırýs ınfeksııasyn juqtyrǵan 3 jambyldyqtyń da temperatýrasynyń joǵary ekenin kórsete almaǵan. Sondyqtan da sáýir aıynyń basynan bastap naýqasqa dál dıagnoz qoıa alatyn qytaılyq shuǵyl-testter qoldanyla bastaıdy.
Jambyl oblysy