О́ńirde koronavırýs ınfeksııasyn taratpaý maqsatynda sanıtarlyq, saqtyq sharalary kúsheıtildi. Osy máselege baılanysty ótken brıfıngke oblys ákiminiń orynbasary Ashat Oralov qatysty.
- Qazirgi ýaqytta oblysta 634 adam baqylaýda, 77 adam stasıonar jaǵdaıynda, 557 adam úı karantınine alynǵan. Sonymen qatar 38 adam dárigerler qońyraý shalý arqyly baqylaýda, -dedi Ashat Oralov.
Al, buǵan deıin óńirde 1 adam koronavırýs juqtyrǵany habarlandy. Qazir ol adammen baılanysta bolǵan adamdar anyqtalyp, dárigerlik tekserý sharalary jasaldy. Olardan vırýs belgileri anyqtalǵan joq.
Jalpy óńir boıynsha 1262 baqylaýda adam bolsa, osy ýaqytta 628 adam baqylaýdan alynǵan.
Sonymen birge oblysta arnaıy komıssııa jumys jasaýda. Aımaqtyq jedel shtab táýlik boıy qyzmet atqarýda.
Oblys turǵyndary men qonaqtary úshin biryńǵaı 109 nómiri, jedel járdem qyzmetiniń 103 nómiri jáne respýblıkalyq deńgeıde 1406 nómirleri qyzmet kórsetýde.
Pavlodar oblysy