Batys Qazaqstan oblysynda arnaıy jabdyqtalǵan 20 «Jedel járdem» brıgadasy koronavırýske shaldyǵý kúdigi bolǵan adamdarǵa qyzmet kórsetýge ázir.
- Oblys aýmaǵynda koronavırýske qarsy kúres aıasynda jalpy sany 5382 kereýettik 20 observasııalyq nysan daıyndaldy. Odan bólek 190 kereýettik 3 provızorlyq stasıonar, 190 ınfeksııalyq oryn daıyn. О́ńirde jasandy tynys alýǵa kómektesetin 134 apparat bar, onyń 110-y joǵaryda atalǵan stasıonarlarda ornalastyryldy. Búgingi tańda medısınalyq mekemeler qajetti mamandarmen qamtylǵan, joǵaryda atalǵan mekeme-stasıonarlarda 110 dáriger, 221 orta, 187 kishi medısınalyq personal qyzmet kórsetýde. Olarǵa Oral medısınalyq kolledjinen kelgen eriktiler de qosyldy. Vırýs juqtyrǵan tulǵalarmen tikeleı jumys isteıtin dárigerlerdiń qaýipsizdik sharasy jasalǵan, arnaıy kostıýmdermen, qorǵaý qasıeti kúshti betperdelermen qamtyldy. Sondaı-aq prezıdent jarlyǵyna sáıkes bul toptaǵy medısına qyzmetkerleriniń jalaqysyna ústeme qosylatyn bolady, - deıdi Batys Qazaqstan oblystyq densaýlyq saqtaý basqarmasynyń basshysy Bolatbek Kaıýpov.
Batys Qazaqstan oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Muhamǵalı Aryspaev 2 sáýir kúni Batys Qazaqstan oblystyq juqpaly aýrýlar aýrýhanasynda koronavırýsqa shaldyqqan 2 adam, «Kýmyska» kentindegi provızorlyq gospıtalda – 58 adam, Báıterek aýdanynda – JRVI belgileri bar 8 adam, oblystyń karantındik gospıtalinde – aýrýmen qarym-qatynasta bolǵan 30 adam jatqyzylǵanyn habarlady.
Oblys aýmaǵynda 31 naýryzdan beri kúsheıtilgen karantın rejimi engizilgen bolatyn. Soǵan sáıkes kóptegen mekeme-kásiporyndardyń qyzmeti toqtatyldy, jumys tártibine ózgeris engizildi. Degenmen, halyqtyń kúndelikti tirshiligin qamtamasyz etetin mekemeler qyzmetin jalǵastyrady. Tótenshe jaǵdaıǵa baılanysty qurylǵan Oral Qalalyq jedel shtabqa osyndaı 632 mekemeden usynys túsken eken. Ol ótinishterdiń árqaısysy qaralyp, rasynda da halyqtyń kúndelikti qalypty tirshiligin qamtamasyz etýge úles qosatyn 427 mekemege qyzmetin jalǵastyrýǵa ruqsat berilgen. Al 205 mekemeniń ótinishin oryndaýdan bas tartylǵan.
- Oral qalasynda qazir 9 blokpost ornatyldy, qozǵalys shekteldi. Biraq arnaıy ruqsaty bar mekeme-kásiporyn qyzmetkerleri men olarǵa tıisti kólikterge kedergi bolmaıdy. Qalalyqtarǵa eskerterim, maqsatsyz júris-turysty shekteńizder. Bul bárimizdiń qaýipsizdigimiz úshin óte mańyzdy, - dedi Oral qalasynyń ákimi Abat Shynybekov.
Batys Qazaqstan