Qymbatty otandastar!
Sizderdi Qazaqstan Respýblıkasynyń Konstıtýsııasy kúnimen shyn júrekten quttyqtaımyn!
Elimizdiń Ata Zańy jańa Qazaqstan jetistikteriniń berik kepiline aınaldy. Tıimdi quqyqtyq júıeni ornyqtyrý arqyly biz ekonomıkalyq ósimge jáne qoǵamnyń ál-aýqatynyń artýyna qol jetkizip, elimizde turaqtylyqty, beıbitshilik pen kelisimdi qalyptastyrdyq.
Ákimshilik jáne quqyqtyq reformalar, jergilikti ózin ózi basqarýdy damytý, áleýmettik jańǵyrtý – munyń bári berik konstıtýsııalyq negizde júzege asyrylýda jáne halyqtyń ómir súrý deńgeıin odan ári ulǵaıtýǵa baǵyttalǵan. Bizdiń syrtqy saıasattaǵy júıeli bastamalarymyz Qazaqstannyń halyqaralyq bedeliniń udaıy ósýin qamtamasyz etýde.
Bıyl elimiz 2050 jylǵa deıingi uzaq merzimdi damý strategııasynda kózdelgen maqsattardy iske asyrýǵa kiristi. Sonyń eń bastysy – Qazaqstannyń álemdegi eń damyǵan 30 memlekettiń qataryna enýi. Strategııanyń barlyq maqsattaryna qol jetkizý qazaqstandyqtardyń birligi men Konstıtýsııa qaǵıdalaryn múltiksiz oryndaý negizinde ǵana múmkin bolmaq.
Ata Zańnyń qaǵıdattary men normalaryn ustaný, konstıtýsııalyq qundylyqtardy qorǵaý – árbir azamattyń qurmetti paryzy jáne qasıetti mindeti.
Barsha qazaqstandyqtarǵa ıgilik pen baq-bereke tileımin! Bizdiń Otanymyz – Qazaqstan Respýblıkasy nyǵaıyp, damı bersin!
Nursultan NAZARBAEV.