Memleket basshysy Qasym-Jomart Toqaevtyń jáne Bala quqyqtary jónindegi ýákil Arýjan Saınnyń bastamasymen «Janýarlar – meniń dostarym» respýblıkalyq sýret baıqaýy bastaý aldy.
Balalar arasynda ótetin saıystyń jeńimpazy Avstrııa astanasy Vena qalasyndaǵy kórmege qatyspaq. Joba uıymdastyrýshylarynyń aıtýynsha SOVID-19 pandemııasyn el bolyp eńsersek, jas sýretshilerge álem tájirıbesin meńgerýge múmkindik týady.
– Jobanyń negizgi ıdeıasy – balalardyń shyǵarmashylyq túsinigi arqyly janýarlar álemin saqtap qalý máselesin sheshýge kómektesý. Baıqaý ıdeıasyn balalardyń ózderi usyndy deýge bolady. Olar eresekterdiń úı janýarlaryna jasaǵan qatigezdigi men jabaıy tabıǵatty maqsatsyz joıýǵa qatysty máselelerdi synap áleýmettik jelilerde óz pikirlerin bildirgen. Avtorlarymyz jumysyn tolyqtaı ózi jasaýy tıis. Bir avtordyń birden úshke deıin jumysy qabyldanady. Salǵan sýrettiń taqyrybyna arnalǵan esse de joldaýǵa bolady. Jumystardy 30 maýsymǵa deıin qabyldaımyz. О́z jumystaryn balalar alembala.kz saıtyna jibere alady», – deıdi Qazaqstandaǵy Bala quqyqtary jónindegi ýákil Arýjan SAIN.
Arýjan Saınnyń pikirinshe atalǵan baıqaý balalardyń óz quqyqtaryn júzege asyrýǵa, mindetteri men múmkindikterin paıdalanýǵa úıretpek. Gýmanızm men meıirimdilikti bala kezden qalyptastyrý úshin jáne karantın kezinde jetkinshekterdiń ýaqytyn tıimdi paıdalaýǵa septigin tıgizedi.