Jambyl oblysynyń Baızaq aýdanyndaǵy blok-beketinde koronovırýstyq indettiń taralýyn boldyrmaý maqsatynda avtokólikterge tekserý júrgizý barysynda, kezekshiliktegi Taraz qalasy Polısııa basqarmasy jergilikti polısııa qyzmetiniń ınspektory Almaty qalasy baǵytyndaǵy «Toyota Corolla» markaly avtokóligin toqtatqan. Atalǵan avtokóliktegi jolaýshy er adam zańǵa baǵynbaı, polısııa qyzmetkerine dene jaraqatyn keltirgen. Oqıǵa 1 sáýir kúni bolǵan.
Jambyl oblystyq polısııa departamentiniń málimetinshe, 34 jastaǵy Taraz qalasynyń turǵyny polısııa qyzmetkeriniń tótenshe jaǵdaı talaptaryna sáıkes, tıisti qujattarynsyz blok-beketinen ótkizbeı shekteý qoıǵanyna qarsy shyǵyp, onyń betinen judyryqpen urǵan. Kúdikti kinásin moıyndap, QR QPK-niń 128-babymen Taraz qalasynyń polısııa basqarmasyna ýaqytsha ustaý ızolıatoryna qamaýǵa alynǵan.
«Ustalǵan er adam buryn birneshe ret sotty bolǵan. Qazirgi ýaqytta atalǵan derekke qatysty Qazaqstan Respýblıkasy Qylmystyq kodeksiniń 379-baby (tótenshe jaǵdaı jarııalanǵan jerde bılik ókiliniń zańdy talabyna baǵynbaý) jáne 380-babymen (bılik ókiline qarsy kúsh qoldaný) sotqa deıingi tergeý amaldary júrgizilýde», delingen Jambyl oblystyq polısııa departamenti taratqan aqparatta.
Jambyl oblysy