Atyraý oblysynyń ákimshiliginde Batys aımaǵy áskerı prokýratýrasynyń uıymdastyrýmen Atyraý garnızonynyń áskerı basqarý jáne quqyq qorǵaý organdarynyń Vedomstvoaralyq keńesiniń otyrysy ótti. Bul týraly «Batys» óńirlik qolbasshylyǵy baspasóz qyzmeti habarlady.
Atalǵan keńeske Atyraý oblysynyń ákimi Mahambet Dosmuhambetov jáne Atyraý garnızonynyń barlyq áskerı bólimderiniń komandırleri men mekeme basshylary qatysyp, 2019 jylǵy atqarylǵan jumystar men alǵa qoıylǵan mindetter men máseleler talqylandy.
Batys aımaǵynyń áskerı prokýrory Nurlan Aıtýǵanov jınalǵandarǵa garnızondaǵy ózekti máselelerdi kóterip, kóp jyldan beri sheshimin tappaı kele jatqan birqatar problemalyq suraqtardy oblys ákimine jetkizdi.
Máselen, Qazaqstan Respýblıkasy Qorǵanys mınıstrligine qarasty «Batys» óńirlik áskerleri qolbasshylyǵynyń zymyrandy-artılerııalyq qoımasyn qaýipsiz jerge kóshirý, qadaǵalaýdaǵy áskerı bólimder men mekemelerde bos oryndardyń kóp ekendigin, oblys aýdandarynda Qorǵanys isteri jónindegi bólimderiniń ǵımarattary men áskerge shaqyrý pýnktterin turǵyzý jáne Memlekettik shekaraǵa qatysty birqatar máselelerdi aıtty.