О́ńirde elimizdegi tótenshe jaǵdaıǵa oraı 1 sáýirden bastap oblys aýmaǵynda qaýipsizdik sharalary kúsheıtilgen. Turǵyndardyń júrip-turýy shekteldi.
Al, «Qazposhta» AQ oblystyq fılıal dırektory Erik Álipulynyń aıtýynsha, fılıal oblystaǵy 24 myńǵa jýyq zeınetkerge qyzmet kórsetedi.
Zeınetkerlerdiń 7 myńy zeınetaqyny «Qazposhta» AQ kartalary arqyly alsa, 5 myńǵa jýyq zeınetkerge bólimshe qyzmetkerleri úıge deıin aparyp berýde.
Al, oblys ortalyǵynda 800-den astam zeınetker úshin úıden shyqpaı, zeınetaqylaryn alý úshin tıisti jaǵdaılar jasalýda.
Fılıal qyzmetkerleri zeınetkerlerge qońyraý shalyp,Tótenshe jaǵdaı ýaqytynda zeınetaqyny poshtaǵa kelmeı alýdyń joldaryn usynýda. Birinshisi – zeınetaqy alýshynyń jeke derekteri arqyly «Qazposhta» AQ kartasyn ashý. Kartany poshta qyzmetkerler 5-7 mınýt aralyǵynda daıyndap beredi. Keıin sol karta arqyly poshtanyń nemese «Halyk Bank» bankiniń bankomattarynan kez kelgen ýaqytta aqshasyn komıssııasyz ala alady. Ekinshisi, zeınetaqyny úıge deıin aparý. Zeınetkerdiń jeke shotyna tıisti aqsha túsken kúni atalǵan mekenjaıyna jetkizip beredi.
-Árıne, bul usynystarǵa túsinistikpen qarap jatqandary da, bas tartyp, burynǵydaı bólimsheden kelip alǵysy keletinder de bar, - deıdi E.Álipuly.
Sonymen qatar zeınetaqyny úıge deıin jetkizýge qajetti quraldar, qajetti tehnologııa da bar. Zeınetaqy jetkizýmen aınalysatyn mamandardyń qaýipsizdigi úshin arnaıy kólik pen kúzet qarastyrylǵan.
PAVLODAR