Oblys ortalyǵyna Semeıdegi áskerı bólimsheniń 224 sarbazdan turatyn toby kommýnaldyq-sharýashylyq jumystaryna qyzmetine kómekke keldi.
Sarbazdar jalpy oblys aýmaǵynda dezınfeksııalaý, zalalsyzdandyrý jumystaryn júrgizedi. Bul týraly onlaın-konferensııa barysynda oblys ákiminiń birinshi orynbasary Suńǵat Esimhanov málimdedi. Suńǵat Esimhanovtyń aıtýynsha, bul maqsat úshin Pavlodar, Ekibastuz, Aqsý qalalarynyń barlyq kommýnaldyq tehnıkalary dezınfeksııalaý jumystaryna tartylǵan. Oblys ortalyǵynda negizgi kósheler, al Ekibastuz jáne Aqsý qalalarynda barlyq kóshelerge zalalsyzdandyrý jumystary júrgiziledi. Qazir kommýnaldyq qyzmetterdiń bar kúshi kóshelerge, aýlalarǵa, túrli alańdar men aıaldamalarǵa jumyldyrylǵan. Kóp qabatty úılerdiń kireberisterin óńdeýmen Páter ıeleriniń kooperatıvi (PIK) aınalysýda.
Biraq, dezınfeksııa jumystaryn múlde durys júrgizbegender týraly shaǵymdar qaladaǵy 109 qyzmetimen kelip túsýde.
Al, Qorǵanys mınıstrliginiń atynan kelgen desant kúshteri dezınfeksııa jumystaryn júrgizýge arnalǵan tehnıkamen jáne qajetti quraldarmen jabdyqtalǵan. Desant sarbazdary qalalyq kommýnaldyq qyzmetterdiń barlyq jumystaryna, kóp qabatty turǵyn úılerdiń kireberisterin óńdeýge jumyldyrýǵa kómektesedi. ⠀
PAVLODAR