Tótenshe jaǵdaı kezinde shaǵyn jáne orta bıznes jumysyn júrgizý úshin Memleket basshysynyń tapsyrmasymen shuǵyl sharalar paketi ázirlendi. Bul týraly Ulttyq ekonomıka vıse-mınıstri Jaslan Mədıev Ortalyq kommınıkasııalar qyzmeti alańynda ótken onlaın brıfıngte aıtty.
«Bizdiń baǵalaýymyzsha jalpy ishki ónim qurylymyndaǵy shaǵyn jəne orta bıznes úlesi 29,5%-dy quraıdy. Shaǵyn jəne orta bıznes sektorynda 3 mıllıonnan astam adam jumys isteıdi. Shaǵyn jəne orta bıznesti negizgi qoldaý «Bıznestiń jol kartasy 2025» jəne «Qarapaıym zattar ekonomıkasy» baǵdarlamalary sheńberinde júzege asyrylady», dedi vıse-mınıstr.
Onyń aıtýynsha, 2019 jyly jəne bıylǵy jyly osy baǵdarlamalar boıynsha qoldaýǵa ıe bolǵan kredıttik portfeldiń jalpy kólemi 372 mlrd teńgeni qurap, 5,5 myńnan astam joba qarjylandyrylǵan.
«Búgingi jaǵdaı bıznes jumysyn toqtatpaý úshin qolaıly jaǵdaı jasaýdy talap etedi. Elde tótenshe jaǵdaı engizilgennen bastap Memleket basshysynyń tapsyrmasy boıynsha shuǵyl sharalar paketi ázirlendi. Osy jumys sheńberinde eki baǵdarlama boıynsha sońǵy qaryz alýshy úshin syıaqy stavkasy birizdendirilgen. Endi osy baǵdarlamalar boıynsha kredıtterdiń quny 6% - dan aspaıtyn bolady», dedi ol.