Atyraý oblysynyń ákimi Mahambet Dosmuhambetov óńir turǵyndaryna tótenshe jaǵdaı kezindegi saqtyq erejelerin saqtaýǵa baılanysty úndeýin joldady. Buǵan árıne, Atyraýda koronavırýs ınfeksııasyn juqtyrýshylardyń kóbeıýi sebep bolyp otyr. Osyǵan oraı Atyraý oblysynyń bas memlekettik sanıtarlyq dárigeri Meıirjan Esimbaevtyń qaýlysymen 30 naýryzda Atyraý qalasynda karantın, al, oblys aýmaǵynda shekteý sharalary engizildi.
–Biz turǵyndardyń amandyǵy men qaýipsizdigi úshin osyndaı qadamǵa bardyq. Maqsatymyz – qaýipti vırýstyń taralýynyń aldyn alý. Saqtansań ǵana saqtaıdy! Bul vırýsty jeńýdiń tóte joly – gıgıenalyq tazalyqtyń minsiz saqtalýy. Úıden shyqpaý kerek. Toı-tomalaqqa, adam kóp jınalatyn jerlerge barmaý –óz ómirińdi saqtaý. О́zgeniń ómirine qaýip tóndirmeý, -deıdi oblys ákimi Mahambet Joldasqalıuly.
Shyndyǵynda, qaýipti indet taralǵan sátte qonaqqa baryp, bazar men dúkenderde top-top bolyp júrýdiń qısyny bar ma? О́zi men otbasynyń, aǵaıyn-týysy men eliniń amandyǵyn oılaǵan adam dál bulaı jasamas edi. О́ıtkeni, memleket barshaǵa qashyqtan jumys isteýge múmkindik berip otyr.
Árıne, aldymen árkimniń sabyr saqtap, úreıge boı aldyrmaýdyń mańyzy zor. Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Amantaı Jumaǵalıevtyń aıtýynsha, úreı –vırýstan da qaýipti. Jalpy, adamnyń sanasy úreıge boı aldyrsa, aǵzadaǵy ımmýnıtettiń de indetke qarsy kúresý belsendigi álsireýi ǵajap emes...
О́ńirde saqtyq sharalary kúsheıtildi. Atyraý qalasynyń tórt baǵytyna blok-beketter qoıyldy. Qazir Atyraý-Astrahan, Atyraý-Oral, Atyraý-Inder, sondaı-aq, Atyraý-Dossor baǵyttaryndaǵy blok-beketterde polısııa men densaýlyq saqtaý salasynyń qyzmetkerleri kezekshilik atqarýda. Oǵan «Batys» óńirlik qolbasshylyǵynyń áskerıleri de tartyldy.
Munyń bári –ýaqytsha shekteýler. Degenmen, ýaqytsha shekteýlerdi júzege asyrý kezinde zańdylyqtyń saqtalýyn qamtamasyz etýge prokýratýra qyzmetkerleri de jumylyp otyr. Oblys prokýrory Halıdýlla Dáýeshov «Atyraý-Astrahan» jáne «Atyraý-Oral» baǵytyndaǵy blok-beketterdiń jumysyn qadaǵalady. Qazir shyǵý nátıjesimen shekteý is-sharalaryn júzege asyrý barysynda ýákiletti organdardyń is-qımyl algorıtmi úılestirildi. Oblystyq prokýratýra tótenshe jaǵdaıǵa, karantın men shekteýlerge oraı mobıldi top qurdy. Bul top belgilengen tártiptiń saqtalýyna júıeli tekserý júrgizýde.
Tártip demekshi, óńirde tótenshe jaǵdaı talabyna baǵynǵysy kelmeıtinder kezdesip otyr. Oblystyq prokýratýranyń baspasóz qyzmetiniń habarlaýynsha, Atyraýda 38 adam tótenshe jaǵdaı rejımin buzǵan. Olardyń arasynda kimder bar?
–Tótenshe jaǵdaı talaptarynyń oryndalýyn qamtamasyz etý úshin qurylǵan mobıldi top jumysynyń nátıjesinde rejımdi buzǵany úshin 38 adam jaýapqa tartyldy. Sonyń ishinde 5 kásipker ákimshilik qamaýǵa alyndy. Olar –«Hanshaıym», «Nárli» meıramhanalarynyń, «Amanjan» kafesiniń, «Fınbet» býkmekerlik keńsesiniń ıeleri men «Iаmato» sýshı-barynyń ákimshisi -dep habarlady oblystyq prokýratýranyń baspasóz qyzmeti.
Sondaı-aq áleýmettik jelilerde kórineý jalǵan aqparattar taratyp, ınfeksııa juqtyrǵan adamdardyń aty-jónin taratýshylar bar. Zańdylyq turǵydan qaraǵanda, jeke jáne otbasylyq qupııaǵa jatatyn málimetterdi taratýdyń sońy opyndyrary daýsyz. О́ıtkeni, Qylmystyq Kodekste osyndaı derekti taratýshylar 274-shi jáne 147-bappen jaýapqa tartylatyn aıdan anyq jazylǵan. Qazir atalǵan faktilerge baılanysty sotqa deıingi tergep-tekserý júrgizilýde.
Teginde tótenshe jaǵdaıdyń, karantın men shekteýlerdiń talaby beıqamdyqty da, qydyrympazdyqty da kótermeıdi. Tipti, eki jep, bıge shyǵatyn pysyqaılyq ta búgingi talap údesine saı kelmeıdi. Eń mańyzdysy –saqtyq. О́ıtkeni, saqtanǵan adam ǵana saý júreri daýsyz.
Jumasat ǴAZIZ