Qıyn kezeńde elim dep et júregi eljiregen jastar aǵa tolqyndy qamqorlyqtaryna alýda. Indetpen alysyp jatqan dárigerlerge qolǵabystaryn tıgizip, jastar júrip-turýy qıyn aǵa býynǵa dári-dármekterin aparyp berip jatyr.
65 jastan asqan adamdarǵa úıden múldem shyqpaý týraly keńes berilgeli jas tolqyn atqa mingen. Kókshetaý qalasyndaǵy salaýatty ómir saltyn qalyptastyrý ortalyǵy jastarmen birlese otyryp, dıspanserlik esepte turatyn aǵa býyn ókilderine dárigerler taǵaıyndaǵan qajetti dári-dármegin jetkizip berýde.
–Bizde 95 myńǵa jýyq adam esepte tur. Onyń 13 myńy tegin dári-dármek alatyn sozylmaly syrqaty bar adamdar. Biz osy tizimnen egde adamdardy iriktep alyp, jastar eriktileri arqyly qajetti dárilerin úılerine jetkizip berýdi qolǵa aldyq,–deıdi qalalyq emhana bas dárigeriniń orynbasary Yrysty Syzdyq.
Úı-úıge dári-dármek jetkizer aldynda erikti jastarmen arnaıy túsinikteme jumystary júrgiziledi.
–Bizdiń maqsatymyz atalarymyz ben ájelerimiz neǵurlym saqtyq sharasyn jasasa degen nıet,–deıdi Kókshetaý joǵary medısına kolledjiniń janyndaǵy «Mıloserdııa» qozǵalysynyń belsendileri Arman Qurmanǵazıev pen Sanjar Ábdirahmanov.
Jalyndy jastardyń jaqsy isi ózge de qurbylaryna ábden úlgi bolarlyq qareket emes pe?!
Kókshetaý qalasy